Karjalankielisiä lauluja

RUSKEI NEITSYT
kansanlaulu

Ruskei neitsyt, valkei neitsyt,

sano sinä, sano sinä:

Konzubo tullah gosdaset, gosdaset.

Mustupiä piätenzän, piätenzäh,

minun velli suovattan, suovattan,

minun Miloi suovattan, suovattan.

Ruskei neitsyt, valkei neitsyt,

sano sinä, sano sinä:

Midäbo gosdil syötetäh, syötetäh.

Mustupiäl leibiä da leibiä,

minun vellel guassua da guassua,

minun Miloil piiruadu, piiruadu.

Ruskei neitsyt, valkei neitsyt,

sano sinä, sano sinä:

Midäbo heille juotetah, juotetah.

Mustupiäl tshajuo da tshajuo,

minun vellel kofeidu da kofeidu,

minun Miloil pivoa, pivoa.

Ruskei neitsyt, valkei neitsyt,

sano sinä, sano sinä:

Kunnesbo gosdat makuamah, makuamah.

Mustupiä perttih da perttih,

minun velli gornittsah, gornittsah,

minun Miloi tsardakkah, tsardakkah.

Ruskei neitsyt, valkei neitsyt,

sano sinä, sano sinä:

Kenbo gosdii uinottaa, uinottaa.

Mustupiädy Marju da Marju,

minun vellie Darju da Darju,

minä omua Miloidu, Miloidu.


 

SOVVIN KERRAN
san. Eero Mäkkeli

Sovvin kerran järvenselgiä,

järvenselgiä tuulantei.

Rannan kazlu minul cuhki,

minul cuhki tuulantei:

:;: Sovva nygöi valgamoh

sie ved sinuo vuotetah

tytöi coma sinisilmy,

ylen yksin tuulantei :;:

Veneh libuu järvenselgiä,

järvenselgiä tuulantei.

Tytöi istuu brihan yskäs,

brihan yskäs tuulantei.

:;: Nuoret nenga sebäilläh,

kuldu käköidy kuunnellah.

Rannan kazlu heile cuhki,

heile cuhki tuulantei :;:


 

SUAHARPALANE
san. Eero Mäkkeli

Oh ku coma kuldazeni oisit ruuzupuu

Ice sinuu hoivualizin muga ei ni muu

:;: Pidäzin sinuu ikkoinal a anna sanos rahvas

Tolko vai on Misa-brihal nece ruuzu armas :;:

Oh ku oizit kuldazeni kazin poigu vai

Päivät illat muata suazit minun polvellai

:;: Silittäzin piädy selgiä comua nyzäneniä

engo sinuu andelisi kenelle ni eniä :;:

Oh ku oizi kuldazeni suaharpalane

Peitos sinun pidäzin vain suudu andajen

:;: A voi, voi ku midä ruadua hädä vacas palau

Suudu andais suaharpala tiettäväne sulau :;:

Oh ku oizit kuldazeni helmi syvän vien

Hyvä mieli kuldukolccah minul lövvit tien

:;: Kuldukolccu minun sormes sinä helmi piällä

Duumaizen on ylen vessel minun eliä tiällä :;: